Automechanika Astana көрме алғаш рет 2016 жылы Астанада өтті. Үш жылдық табысты тәжірибе жобаның әлемдегі ең ірі көрме компанияларының бірі — Messe Frankfurt-пен әріптестікте ұйымдастырылатын Automechanika жаһандық брендіне қосылуына мүмкіндік берді. Бұл іскерлік шараға дамудың қосымша мүмкіндіктерін ашты.

Бүгінде Automechanika Astana – Қазақстан мен Каспий маңы аймағындағы осындай ауқымдағы және деңгейдегі жалғыз көрме болып табылады және осы өңірдегі автомобиль индустриясын дамытудағы рөлін одан әрі күшейтіп келеді.

Automechanika жаһандық бренді 50 жылдан астам тарихқа ие, ол алғаш рет 1971 жылы Франкфуртта бастау алды. Бүгінде Automechanika көрмелері әлемнің 14 түрлі қаласында, оның ішінде Астанада да өткізіледі.

Automechanika Astana – өз өнімдеріңіз бен қызметтеріңізді көптеген әлеуетті клиенттерге көрсету, автокөлік өндірісі, жөндеу және техникалық қызмет көрсету саласында жұмыс істейтін компания өкілдерімен тікелей байланыс орнату, сондай-ақ автокомпоненттердің көтерме және бөлшек сауда өкілдерімен кездесудің тамаша мүмкіндігі.