Қазақстанның автомобиль өнеркәсібі елдің маңызды индустриялық сегменттерінің бірі ретінде өз рөлін нығайтып келеді. ranking.kz деректеріне сәйкес, сала тұрақты өсімді көрсетіп, өңдеу секторын дамытуға айтарлықтай үлес қосуда.
Соңғы он жылда автонарықтың үлесі өңдеу өнеркәсібінде 1,4%-дан (2015 ж.) 2024 жылы 7,8%-ға дейін өсіп, бес еседен астам артты. 2025 жылдың қаңтар–қазан айларындағы көрсеткіш 7,1% болды. Бүгінде автомобил жасау Қазақстанның барлық машина жасау көлемінің 40,5%-ын құрайды.
Өндірістік көрсеткіштер де айтарлықтай кеңеюде. 2015 жылы 80 млрд теңге болған өндіріс көлемі 2024 жылы 1,9 трлн теңгеден асты. 2025 жылдың алғашқы он айында автомобильдер, тіркемелер мен жартылай тіркемелер өндірісі 1,7 трлн теңгеге жетіп, жылдық өсім 23,9% болды. Физикалық көлем индексі — 113,3%.
Саланың дамуы Президент Қасым-Жомарт Тоқаев белгілеген өңдеу өнеркәсібінің үлесін арттыруға бағытталған стратегиялық саясатпен тікелей байланысты. Автомобиль өнеркәсібі бұл міндетті жүзеге асырудың негізгі драйверлерінің бірі болып отыр.
Өндірістің өңірлік құрылымы
Көшбасшы орын Костанай облысына тиесілі: 2025 жылдың қаңтар–қазанында 879,6 млрд теңгеге өнім шығарылды — бұл жалпы салалық көлемнің жартысынан астамы. Аймақта 68,3 мың жеңіл автомобиль және 2,1 мың жүк көлігі өндірілді. Индустриялық кластер де кеңеюде: Allur компаниясы локализация деңгейін арттырып, Jetour модельдерін CKD-форматында жинауды жүйелі түрде дамытып келеді. Сондай-ақ қуаттылығы 70 мың автомобиль болатын жаңа KIA Kazakhstan зауыты іске қосылды.
Алматы өндіріс көлемі бойынша екінші орында — 577,7 млрд теңге. Hyundai Trans Kazakhstan және Hyundai Trans Almaty кәсіпорындары 43,7 мың жеңіл көлік, 277 жүк көлігі және 159 автобус шығарды. Сонымен қатар қуаттылығы жылына 120 мың автомобиль болатын Astana Motors Manufacturing Kazakhstan мультибрендті зауыты жұмысын бастады.
Карағанды, Абай, Ақмола облыстары мен Астана қаласындағы кәсіпорындар да саланың тұрақты өсіміне үлес қосып отыр. 2025 жылдың қаңтар–қазанында Қазақстанда 123,6 мың бірлік автотехника өндірілді — бұл өткен жылмен салыстырғанда 15,4% артық.
Ұзақ мерзімді перспектива
Соңғы он жылда автомобиль өндірісі 11,6 мыңнан (2015 ж.) 2025 жылы 120 мыңнан астам көлікке дейін өсіп, он еседен аса артты. Жаңа өндірістер мен кеңейтіліп жатқан жобалар саланың әлеуетін жылына 465 мың автомобильге дейін жеткізу мүмкіндігін көрсетеді.
Автомобиль өнеркәсібі мультипликативті әсерді күшейтуде: KIA үшін автокомпоненттер өндіріс орталығы салынуда, жылына 3,5 млн шина шығаратын Tengri Tyres зауыты жұмыс істеп тұр, Алматыда автомобиль орындықтарын өндіру іске қосылған. Сала металлургияны, химия өнеркәсібін, электронды компоненттер, тоқыма және полимер өнімдерін өндіруді ынталандыруда.
Automechanika Astana 2026 қатысушылары мен келушілері үшін бұл үрдістер ынтымақтастықты, локализацияны және өсіп келе жатқан нарыққа интеграцияны дамытуға жаңа мүмкіндіктер ашады. Шешімдеріңізді ұсынып, жаңа серіктестіктер орнату және саланың технологиялық дамуына үлес қосу үшін көрмеге қосылыңыз.
Соңғы он жылда автонарықтың үлесі өңдеу өнеркәсібінде 1,4%-дан (2015 ж.) 2024 жылы 7,8%-ға дейін өсіп, бес еседен астам артты. 2025 жылдың қаңтар–қазан айларындағы көрсеткіш 7,1% болды. Бүгінде автомобил жасау Қазақстанның барлық машина жасау көлемінің 40,5%-ын құрайды.
Өндірістік көрсеткіштер де айтарлықтай кеңеюде. 2015 жылы 80 млрд теңге болған өндіріс көлемі 2024 жылы 1,9 трлн теңгеден асты. 2025 жылдың алғашқы он айында автомобильдер, тіркемелер мен жартылай тіркемелер өндірісі 1,7 трлн теңгеге жетіп, жылдық өсім 23,9% болды. Физикалық көлем индексі — 113,3%.
Саланың дамуы Президент Қасым-Жомарт Тоқаев белгілеген өңдеу өнеркәсібінің үлесін арттыруға бағытталған стратегиялық саясатпен тікелей байланысты. Автомобиль өнеркәсібі бұл міндетті жүзеге асырудың негізгі драйверлерінің бірі болып отыр.
Өндірістің өңірлік құрылымы
Көшбасшы орын Костанай облысына тиесілі: 2025 жылдың қаңтар–қазанында 879,6 млрд теңгеге өнім шығарылды — бұл жалпы салалық көлемнің жартысынан астамы. Аймақта 68,3 мың жеңіл автомобиль және 2,1 мың жүк көлігі өндірілді. Индустриялық кластер де кеңеюде: Allur компаниясы локализация деңгейін арттырып, Jetour модельдерін CKD-форматында жинауды жүйелі түрде дамытып келеді. Сондай-ақ қуаттылығы 70 мың автомобиль болатын жаңа KIA Kazakhstan зауыты іске қосылды.
Алматы өндіріс көлемі бойынша екінші орында — 577,7 млрд теңге. Hyundai Trans Kazakhstan және Hyundai Trans Almaty кәсіпорындары 43,7 мың жеңіл көлік, 277 жүк көлігі және 159 автобус шығарды. Сонымен қатар қуаттылығы жылына 120 мың автомобиль болатын Astana Motors Manufacturing Kazakhstan мультибрендті зауыты жұмысын бастады.
Карағанды, Абай, Ақмола облыстары мен Астана қаласындағы кәсіпорындар да саланың тұрақты өсіміне үлес қосып отыр. 2025 жылдың қаңтар–қазанында Қазақстанда 123,6 мың бірлік автотехника өндірілді — бұл өткен жылмен салыстырғанда 15,4% артық.
Ұзақ мерзімді перспектива
Соңғы он жылда автомобиль өндірісі 11,6 мыңнан (2015 ж.) 2025 жылы 120 мыңнан астам көлікке дейін өсіп, он еседен аса артты. Жаңа өндірістер мен кеңейтіліп жатқан жобалар саланың әлеуетін жылына 465 мың автомобильге дейін жеткізу мүмкіндігін көрсетеді.
Автомобиль өнеркәсібі мультипликативті әсерді күшейтуде: KIA үшін автокомпоненттер өндіріс орталығы салынуда, жылына 3,5 млн шина шығаратын Tengri Tyres зауыты жұмыс істеп тұр, Алматыда автомобиль орындықтарын өндіру іске қосылған. Сала металлургияны, химия өнеркәсібін, электронды компоненттер, тоқыма және полимер өнімдерін өндіруді ынталандыруда.
Automechanika Astana 2026 қатысушылары мен келушілері үшін бұл үрдістер ынтымақтастықты, локализацияны және өсіп келе жатқан нарыққа интеграцияны дамытуға жаңа мүмкіндіктер ашады. Шешімдеріңізді ұсынып, жаңа серіктестіктер орнату және саланың технологиялық дамуына үлес қосу үшін көрмеге қосылыңыз.